महाराष्ट्रात पुढील चार-पाच दिवस मुसळधार
पाऊस: जम्मू-काश्मीर आणि हिमाचलमध्ये ढगफुटीमुळे 4 ठार; कुल्लूमध्ये 10 दुकाने वाहून गेली
देशातील अनेक राज्यांमध्ये संततधार पावसामुळे परिस्थिती बिकट झाली आहे. गुरुवारी जम्मू-काश्मीर आणि हिमाचलमध्ये ढगफुटी झाली. त्यामुळे दोन्ही ठिकाणी 2-2 जणांचा मृत्यू झाला. तर महाराष्ट्रात 4-5 दिवस पाऊस थांबणार नसल्याचा अंदाज हवामान खात्याने वर्तवला आहे. तसेच राजस्थान, उत्तर प्रदेश, पंजाब, हरियाणा आणि बिहारमध्ये हलक्या पावसाची शक्यता वर्तवण्यात आली आहे.
मुसळधार पावसामुळे उत्तराखंडमध्ये ऑरेंज अलर्ट जारी करण्यात आला आहे. त्याचवेळी ओडिशा, छत्तीसगड, विदर्भ, गुजरात, कोकण, गोवा, मध्य महाराष्ट्र आणि तेलंगणामध्ये मुसळधार पावसाची शक्यता आहे.
