🎯अनोखे आंदोलन:🎯 प्रश्न : पाण्यात सर्वात लवकर विरघळणारा पदार्थ कोणता ? उत्तर :महापालिकेचे डांबर 😂

कोल्हापूर शहरात रिक्षाचालक हणमंत जाधव आणि त्यांचा अॅपेरिक्षा चर्चेचा विषय ठरत आहे. त्याचे कारण म्हणजे त्यांनी सुरू केलेले अनोखे आंदोलन. कोल्हापूर शहरातील अनेक रस्ते खड्ड्यांतून शोधावे लागतात. याच गोष्टीचा निषेध नोंदवण्यासाठी त्यांनी आपल्या रिक्षामागे एक प्रश्न विचारत त्याचे उत्तरही स्वत:च दिले. हे वाचून संपूर्ण शहरात याचीच चर्चा सुरू झाली आहे.

पावसाळा आला की महानगरपालिकेने केलेल्या रस्त्यांवर खड्डे पडतात. याच खड्ड्यांचा निषेध म्हणून आम आदमी रिक्षाचालक संघटने चे सभासद असणाऱ्या रिक्षाचालक हणमंत जाधव यांनी आपल्या रिक्षावर मार्मिक संदेश लिहित अनोखे आंदोलनच केले. अशा पद्धतीने महानगरपालिकेचे दर्जाहीन काम चव्हाट्यावर आणून रिक्षाचालक जाधव यांनी महापालिकेचा भोंगळ कारभारही सगळ्यांसमोर आणला आहे. अनेकांनी त्यांची भेट घेऊन महापालिकेचा कारभार उघड करण्याचे धाडस केल्याबद्दल त्यांचे अभिनंदन केले आहे.

“पाण्यात लवकर विरघळणारा पदार्थ कोणता?
(अ) मीठ (ब) साखर
उत्तर : महानगरपालिकेचे डांबर…’😂
असा फलकच रिक्षावर लावला आहे. या फलकाद्वारे हणमंत जाधव यांनी कोल्हापूर महानगरपालिकेचे लक्ष वेधून घेतले आहे.