महाराष्ट्रातील पहिली इलेक्ट्रॉनिक बस धावणार अहमदनगर मधून 1 जून रोजी सकाळी नगर ते पुणे असा होणार प्रवास.

1 जून रोजी सकाळी नगर ते पुणे असा होणार प्रवास.
(अहमदनगर) पूर्ण महाराष्ट्रात प्रवासाची सेवा पुरवणारी एसटी बस ची सुरुवात अहमदनगर शहरातून झाली होती. एक जून 1947 रोजी महाराष्ट्रातील पहिली बस अहमदनगर शहरातून धावली होती. अहमदनगर ते पुणे असा प्रवास त्या पहिल्या एसटी बसने केला होता. राज्यभर प्रवासी सेवा पुरवणाऱ्या या बस सेवेला 74 वर्षे पूर्ण होत आहेत. याचे औचित्य साधून महाराष्ट्रामध्ये नव्याने सुरु होत असलेल्या, इलेक्ट्रॉनिक बसची सुरुवातही अहमदनगर शहरा मधूनच केली जाणार आहे. एसटी बसेसच्या ताफ्यात आता शिवाई नावाने नवीन इलेक्ट्रॉनिक बस दाखल झाली आहे. ही बस एक जून रोजी अहमदनगर शहरातील तारकपूर बस स्टॅन्ड येथून पुणे येथे रवाना होणार आहे. त्यामुळे या इलेक्ट्रॉनिक बस मध्ये प्रवास करण्याची अनेकप्रवाशांना उत्सुकता लागली आहे .एक जून पासून दोन शिवाई इलेक्ट्रॉनिक बस अहमदनगर ते पुणे या मार्गावर धावणार आहेत. पहिल्या दिवशी बुधवारी साडेनऊ वाजता व नंतर दररोज सात वाजता नगर येथून ही बस पुण्याच्या दिशेने जाणार आहे. एसटी महामंडळाने एक मोठे पाऊल उचलले असून टप्प्याटप्प्याने शिवाई बस वाढविण्याचे नियोजन आहे. या उपक्रमामुळे इंधन बचतीबरोबरच प्रदूषणही कमी होणार आहे. राज्यभरात टप्प्याटप्प्याने या बस सुटणार आहेत.
ही बस तीन तासात 125 किलोमीटर चे अंतर पूर्ण करणार आहे. एका चार्जिंग मध्ये सुमारे तीनशे किलोमीटर प्रवास करण्याची बसची क्षमता आहे. बसचे दरपत्रक जाहीर नसले तरी, बुधवारपर्यंत दर निश्‍चित होऊन प्रवाशांना बस स्थानकात जाऊन बुकिंग करता येणार आहे.( बातम्यांसाठी संपर्क 9112307272)