समाजवादी पार्टीचे महासचिव जुल्फिकार अहमद आजमी यांच्यावर निलंबनाची कारवाई.
सहा वर्षांसाठी सर्व पदांवरून करण्यात आले निलंबित.

समाजवादी पार्टीतील प्रदेश कार्यकारणी मध्ये महासचिव पदावर कार्यरत असलेले जुल्फिकार अहमद आजमी यांच्यावर निलंबनाची कारवाई करण्यात आली आहे पक्षश्रेष्ठींच्या आदेशानुसार ही कारवाई करण्यात आली आहे.समाजवादी पार्टीच्या प्रदेश कार्यकारणी मध्ये महासचिव पदावर काम करत असताना पक्षाच्या विरोधात काम करणे तसेच पक्षातील पदाधिकाऱ्यांना तसेच कार्यकर्त्यांना विश्वासात न घेता पदाचा दुरुपयोग करत मनमानी कारभार करणे अशा प्रकारच्या अनेक तक्रारी जुल्फिकार अहमद आजमी यांच्याबद्दल पक्षश्रेष्ठींकडे प्राप्त झाल्या होत्या.
जुल्फिकार अहमद आजमी यांच्याबद्दल प्राप्त झालेल्या तक्रारींची शहानिशा करून समाजवादी पार्टीचे महासचिव जुल्फिकार अहमद आजमी यांच्यावर निलंबनाची कारवाई करण्यात आली आहे. समाजवादी पार्टीचे प्रदेशाध्यक्ष अबू असीम आझमी यांच्या आदेशावरून ही कारवाई करण्यात आली आहे. पुढील सहा वर्षांकरिता जुल्फिकार अहमद आजमी यांना पक्षातून निलंबित करण्यात आले आहे. यासंदर्भातील अधिकृत माहिती समाजवादी पार्टी महाराष्ट्र प्रदेश च्या अधिकृत सोशल पेज वर प्रसिद्ध करण्यात आली आहे.

बातम्या साठी संपर्क :- 9112307272