अहमदनगरच्या रस्त्यांवर टवाळखोरांची दहशत…. सोशल मीडियावर व्हिडीओ व्हायरल…पहा काय घडला प्रकार..

अहमदनगर :-

टवाळखोरांचा महामार्गावर धिंगाणा…… सोशल मीडियावर व्हिडिओ व्हायरल.
अहमदनगर शहरांमध्ये दिवसेंदिवस टवाळखोर रांची टवाळगिरी ही वाढतच चाललेली आहे. पोलीस प्रशासनाकडंन कुठलीच कारवाई होत नसल्याने सर्वसामान्य नागरिकांना टवाळखोरांचा त्रास सहन करावा लागत आहे .सोशल मीडियावर व्हायरल झालेला हा व्हिडिओ अहमदनगर शहरातील नगर-औरंगाबाद महामार्गावरील अशोका हॉटेल समोरचा आहे. सध्या या रस्त्यावर उड्डाणपुलाचे काम सुरू आहे. उड्डाणपुलाचे काम सुरू असल्याने रस्त्याच्या दोन्ही कडेला बॅरिकेट्स लावलेले आहे त्यामुळे या रस्त्यावर बऱ्याचदा वाहतूक कोंडी होत असते, असे असताना वाहतूक करणाऱ्या इतर वाहनचालकांना जाणीवपूर्वक त्रास देण्यासाठी रस्त्याच्या मधोमद वाहने उभी करून धिंगाना घातला जात होता . दहा ते पंधरा मोटरसायकली काही फोर व्हीलर सोबत घेऊन हे टवाळखोर एकत्र जमले होते .रस्त्याच्या मधोमध धिंगाणा ,आरडाओरड ,करकश्य आवाजात हॉर्न वाजवण्याचा प्रकार सुरू होता. धिंगाणा घालत असलेल्या टवाळखोरांचा माप पाहून इतर वाहनचालक रस्त्यावर ताटकळत उभे होते .महिला व मुलांसह प्रवास करत असलेल्या वाहन चालकांना नाईलाजास्तव हा घाणेरडा प्रकार सहन करावा लागत होता .विनाकारण बराच वेळ वाहतूक ठप्प झालेली पाहून काही वाहन चालकांनी या जमावाला वाहन बाजूला घेऊन रस्ता मोकळा करण्याची विनंती केलयानंतर त्या वाहन चालकांना दमदाटी शिवीगाळ करण्यात येत होती बराच वेळ रस्ता आडवल्यानंतर टवाळखोरांचा हा ताफा नटराज चौकातून झेंडीगेट कडे वळाला .व्हिडिओ व्हायरल झाल्यानंतर हे टवाळखोर झेंडीगेट परिसरातलेच असल्याची चर्चा सुरू आहे. अहमदनगर शहरात वारंवार अशा प्रकारचे दृश्य सर्वसामान्य नागरिकांना व वाहनचालकांना पहायला मिळत असून पोलीस प्रशासनाने याकडे गांभीर्याने लक्ष देऊन आशा टवाळखोरांचा त्वरित बंदोबस्त करावा अशी मागणी सर्वसामान्य नागरिकांमधून व्यक्त केली जात आहे.