आयजींच्या पथकाची छापेमारी; दीड कोटी रुपयांचा स्टील जप्त.

वाहनांतून परस्पर स्टीलची खरेदी-विक्री
पांढरीपुल परिसरात पोलिसांची कारवाई,
आयजींच्या दोन पथकांची छापेमारी ;
दीड कोटींचा मुद्देमाल जप्त.
(अहमदनगर) स्टीलची वाहतूक करणार्‍या वाहनां मधून स्टीलची चोरी करून ते काळ्याबाजारात विक्री करण्याचा आणखीन एक प्रकार उघडकीस आला . नाशिक परिक्षेत्राचे विशेष पोलीस उपमहानिरीक्षक बी जी शेखर यांच्या पथकाने नगर औरंगाबाद महामार्गावरील पांढरीपुल येथे दोन ठिकाणी छापा टाकून सुमारे दीड कोटी रुपयांचा मुद्देमाल जप्त केला आहे. याप्रकरणी एमआयडीसी पोलिस ठाण्यात 14 जणांविरुद्ध गुन्हा दाखल करण्यात आला आहे .
विशेष पोलीस उपमहानिरीक्षक बि जी शेखर यांच्या पथकाने 22 मे रोजी पहाटेच्या दरम्यान पांढरीपुल परिसरात ही कारवाई केली. नगर औरंगाबाद हायवेलगत हॉटेल नीलकमल व हॉटेल संग्राम पॅलेस शेजारी पत्र्याच्या कंपाउंड मधील मोकळ्या जागेत सुरु असलेल्या बेकायदेशीर स्टील खरेदी-विक्रीवर ही कारवाई करण्यात आली.
याप्रकरणी 14 जणांविरुद्ध एमआयडीसी पोलिस ठाण्यात गुन्हा दाखल करण्यात आला आहे.
याप्रकरणी पोलिस नाईक प्रमोद सोनू मंडलिक व पोलीस हवालदार शकील अहमद शेख यांनी दोन स्वतंत्र फिर्यादी दिल्या आहेत.
*बातम्यांसाठी संपर्क = *9112307272*