महिला पोलिस अधिकाऱ्याला पोलीस ठाण्यातच मारहाण…

महिला पोलीस अधिकाऱ्याला गळा दाबून ठाण्यातच मारहाण
अमरावती ची घटना. महिलेसह दोघांना केली पोलिसांनी अटक.
(अमरावती) एका युवकाला मारहाण करून त्याच्याकडील रक्कम लुटण्याच्या प्रकरणात अमरावती येथील राजापेठ पोलिसांनी विजय नगर मध्ये राहणाऱ्या एका व्यक्तीला व महिलेला चौकशीसाठी पोलिस ठाण्यात बोलावले होते.यावेळी चौकशीअंती पोलीस त्यांना अटक करत असतानाच दोन महिला व दोन पुरुषांनी राजापेठ पोलीस स्टेशनच्या च्या एपीआय प्रियांका कोठेवार यांच्या अंगावर धाव घेऊन त्यांना मारहाण केली.तसेच दोन पैकी एका महिलेने त्यांचा गळा दाबला.हे घटना राजापेठ पोलिस ठाण्याच्या हॉलमध्ये घडली.याप्रकरणी पोलिसांनी चार जणांविरोधात गुन्हा दाखल करून अटक केली आहे.
बाबू उर्फ योगेश चुडे (50,रा विजय नगर,अमरावती) याच्या सह एका माहिलेला पोलिसांनी अटक केली आहे. याच प्रकरणात तेजस चुडे व अन्य एक माहिला यांच्या विरुद्ध ही गुन्हा दाखल करण्यात आला आहे.
राजापेठ पोलिस ठाण्यात शिवम उमाकांत लोखंडे (24) यांनी तक्रार दिली की पाण्याचे कॅन चुडे च्या घरात असल्याची माहिती मिळाल्यामुळे मी ते कॅन परत आणण्यासाठी गेलो होतो .त्यावेळी बाबू चुडे व अन्य तिघांनी मला मारहाण केली व माझ्या खिशातील चार ते पाच हजार रुपये जबरीने काढून घेतले.याच प्रकरणात चौकशीसाठी चूडे व त्याच्याच घरातील अन्य तिघांना बोलावले होते. याच प्रकरणाची चौकशी एपीआय प्रियंका कोठावार करत होत्या त्यावेळी त्यांना मारहाण करण्यात आली. ( बातम्यांसाठी संपर्क 9112307272)