मुलाचा तीनवेळा पराभव, बापाचं डोळ्यात पाणी आणणारं भाषण, सभेला जमलेले लोकही स्तब्ध

(अहमदनगर) ज्येष्ठ नेते बबनराव ढाकणे यांच्या जीवन कार्यावरील ‘महाराष्ट्र विधान मंडळातील बबनराव ढाकणे’ या पुस्तकाचे प्रकाशन आज अहमदनगरमधील बोधेगाव येथे पार पडले. या कार्यक्रमाला राष्ट्रवादीचे सर्वेसर्वा शरद पवारही उपस्थित होते. तसेच, केंद्रीय मंत्री नितीन गडकरीही या कार्यक्रमाला दूरस्थ पद्धतीने सहभागी झाले होते. यावेळी बबनराव ढाकणे यांनी मुलगा प्रतापराव ढाकणे यांचा हार घालून सत्कार केला.: माजी मंत्री आणि ज्येष्ठ नेते बबनराव ढाकणे यांनी सुपूत्र प्रतापराव ढाकणे यांचा एका कार्यक्रमात स्वत:च्या हाताने हार घालून सत्कार केला. ‘तीन वेळा प्रतापचा सलग पराभव झाला, पण हार पचवायला ताकद लागते’, असं म्हणत बबनराव ढाकणे यांनी मुलाचं कौतुक केलं. बापाला आपल्याबाबत कौतुकोद्गार काढताना पाहून प्रतापरावांना गहिवरुन आलं आणि ते मंचावरच ढसाढसा रडायला लागले. (बातम्यांसाठी संपर्क 9112307272)