प्राध्यापकाचा पत्नीसह एक शिक्षक व पोलिसावर हल्ला.

प्राध्यापकाचा पत्नीसह एक शिक्षक व पोलिसावर हल्ला
(श्रीरामपूर) कोल्हापूर येथील प्राध्यापकाने चितळी तालुका राहाता येथे सासरवाडीला पत्नीच्या डोक्यात फरशी मारून जखमी केले .त्यानंतर तालुका पोलिस ठाण्यात एका शिक्षकावर व नंतर पोलीस कर्मचाऱ्यावर चाकूने वार करून जखमी केल्याची घटना श्रीरामपूर शहरात घडली.
मौनी विद्यापीठ (गारगोटी कोल्हापूर )जीवशास्त्राचा प्राध्यापक असलेला विनोद बर्डे याचे 13 वर्षांपूर्वी चितळी येथील मामाची मुलगी शैला तिच्यासोबत विवाह झाला. त्याला एक मुलगा एक मुलगी आहे. दोन दिवसांपूर्वी सासुरवाडी चितळी गावात धार्मिक कार्यक्रमानिमित्त तो कुटुंबासह आला होता. सासरवाडी चे लोक मला विष देऊन मारणारा आहेत. म्हणून त्याने पोलिस व रुग्णवाहिकेला फोन केला रुग्णवाहिका समोर दिसताच त्याने शेजारी असलेल्या फरशीचा तुकडा पत्नी शैला हिच्या डोक्यात मारून जखमी केले. पत्नीला रुग्णवाहिकेत बसून दिले दरम्यानच्या काळात त्याची आई ठाण्याहून आली. त्यांनी त्याला त्यांच्या गाडीत बसविले व श्रीरामपूर कडे निघाले असता त्याने पोलीस ठाणयात घेऊन जाण्याचा आग्रह धरला त्यामुळे त्या ला घेऊन पोलिस ठाण्यात आल्या तेथे येताच त्याने चारित्र्य पडताळणी साठी पोलीस ठाण्यात आलेले शिक्षक किशोर शिवाजी शिंदे (वय 35 राहणार टाकळीभान तालुका श्रीरामपूर )शिंदे यांच्यावर चाकूने हल्ला केला. शिंदे यांच्या दोन्ही कानाला व पाठीवर जखम झाली .पोलिस ठाण्यात असलेले पोलिस कर्मचारी संतोष रामकिसन बडे (वय 44) यांनी प्राध्यापक विनोद बर्डे याला अडवण्याचा प्रयत्न केला असता पोलीस बडे यांच्यावर चाकू हल्ला करून जखमी केले. त्यानंतर इतर कर्मचाऱ्यांनी त्याला जेरबंद केले .हल्ल्यातील जखमी शैला विनोद बर्डे (पत्नी, वय 36) जिल्हा परिषद शिक्षक किशोर शिवाजी शिंदे (वय 35 राहणार टाकळीभान तालुका श्रीरामपूर) पोलीस संतोष रामकिसन बडे (वय 44) या जखमीनवर साखर कामगार रुग्णालयात उपचार सुरु आहेत.