ग्रामसेविकेला शिवीगाळ व जीवे मारण्याची धमकी
नगर तालुका पोलीस ठाण्यात गुन्हा दाखल

नगर प्रतिनिधी:- नगर तालुक्यातील अंबिलवाडी ग्रामपंचायत कार्यालयात जाऊन एकाने ग्रामसेविका, सरपंच यांना शिवीगाळ व धक्काबुक्की करत कार्यालयातील खुर्च्यांची तोडफोड करून रजिस्टर पळवून नेल्याची घटना घडली आहे.याबाबत नगर तालुका पोलिस ठाण्यात गुन्हा दाखल करण्यात आला असून पोलिसांनी आरोपीला अटक केली आहे.याबाबत ग्रामसेविका स्वामिनी ज्ञानदेव ढाकणे (रा.ढवण वस्ती, तपोवन रोड सावेडी अहमदनगर) यांनी फिर्याद दिली आहे.फिर्यादी ढाकणे या नगर तालुक्यातील आंबिलवाडी ग्रामपंचायत कार्यालयात कार्यरत आहेत. शुक्रवारी (दि.२४) त्या कार्यालयात काम करत असताना आरोपी आकाश दिलीप भोईटे (रा. आंबिलवाडी, ता.नगर) हा कार्यालयात आला व त्याने ग्रामसेविका ढाकणे यांना रहिवासी दाखला मागितला. रहिवाशी दाखला देण्याचे काम बंद झालेले आहे, असे भोईटे याला सांगितले. याचा राग येवून फिर्यादी याने फिर्यादी व साक्षीदार यांना धक्काबुक्की, शिवीगाळ करून जिवे मारण्याची धमकी दिली.तसेच कार्यालयातील खुर्च्यांची मोडतोड करून नुकसान करून ग्रामपंचायत कार्यालयातील महत्वाचे असलेले रजीस्टर नंबर ९ हे बळजबरीने घेवून गेला आहे. तसेच रजीस्टर नंबर ८ व तलाठी यांनी दिलेल्या रोडच्या नोटीसा फाडून फेकून दिल्या.सदर प्रकारानंतर ग्रामसेविका ढाकणे यांनी नगर तालुका पोलिस ठाण्यात फिर्याद दिली.या फिर्यादीवरून पोलिसांनी आरोपी आकाश भोईटे याच्या विरुद्ध गुन्हा दाखल केला आहे