शिवजयंतीच्या मिरवणुकीत उद्धव बाळासाहेब ठाकरे गट असणार सर्वांच्या पुढे तर शिवसेना असणार दुसऱ्या क्रमांकावर

शिवजयंतीनिमित्त पोलीस प्रशासनाच्या वतीने घेण्यात आलेल्या बैठकीत निर्णय.

अहमदनगर ( प्रतीनीधी ) -10 मार्च रोजी तीथीप्रमाणे साजरी होणाऱ्या शिवजयंती निमित्त पोलीस प्रशासनाच्या वतीने सर्व शिवजयंती उत्सव समितीच्या पदाधिकाऱ्यांची बैठक घेण्यात आली. यंदाच्या शिव जयंती मिरवणुकीत उद्धव बाळासाहेब ठाकरे गट हा सर्वांच्या पुढे म्हणजेच पहिल्या नंबर वर असणार आहे.तर शिवसेना दुसऱ्या क्रमांकावर असणार आहे.व त्या मागे इतर मंडळ असणार आहे . यंदाच्या शिवजयंती मीरवणुकीत एकूण 9 मंडळ सहभागी होणार आहेत. शिवजयंती मिरवणुकीमध्ये उद्धव बाळासाहेब ठाकरे गट पहिल्या क्रमांकावर असले तरी गणेशोत्सव मिरवणुकीमध्ये उद्धव बाळासाहेब ठाकरे गटाला दुसरा क्रमांक व शिवसेने चा मंडळ पहिल्या क्रमांकावर असणार आहे.शिवजयंती नंतर येणाऱ्या गणेशोत्सव तसेच त्यानंतर पुन्हा येणाऱ्या शिवजयंतीमध्ये दोन्ही मंडळाला आलटून पालटून पहिल्या नंबरंचा मान देण्यात आला आहे.पोलीस प्रशासनाच्या वतीने आयोजित करण्यात आलेल्या बैठकीत पदाधिकाऱ्यांच्या संमतीने हा निर्णय घेण्यात आला असल्याची माहिती अहमदनगर पोलीस विभागाच्या वतीने देण्यात आली आहे.