नगरसेवक मुदस्सर शेख विरुद्ध एमआयडीसी पोलीस ठाण्यात गुन्हा दाखल.

दुसऱ्याच्या जागेत बेकायदेशीर ताबा मारून जागामालकाला मारहाण केल्या प्रकरणी झाला गुन्हा दाखल
अहमदनगर(प्रतिनिधी)- महानगरपालिकेचे विद्यमान नगरसेवक मुदस्सर जहांगीर शेख यांच्या विरोधात एमआयडीसी पोलिस ठाण्यात मारहाणीचा गुन्हा दाखल झाला आहे.
अल्ताफ नबु शेख (वय 40) यांच्या फिर्यादीवरून एमआयडीसी पोलीस ठाण्यात कलम 323,504,506 नुसार गुन्हा दाखल झाला आहे.
फिर्यादी अल्ताफ नबू शेख व त्यांचा मित्र मनोज आमत प्रभूने या दोघांनी मिळून पोखर्डी येथील गजराज नगर परिसरात गट नंबर 208 मध्ये जमीन खरेदी केली आहे.सदर जमिनीचा व्यवहार कायदेशीर रित्या पूर्ण झालेला आहे.22-6-2022 रोजी दुपारी दोनच्या सुमारास अल्ताफ शेख हे त्यांचा मित्र यासर एम्तियाज शेख यांच्या सोबत सदर जागेची लेव्हल कारण्याच्या कामाकरिता गेले होते. त्यावेळेस मुदस्सर शेख व कैयूम शेख हे दोघे त्या ठिकाणी आले.व त्यांनी अल्ताफ शेख यांना विचारले की तुम्ही हा प्लॉट कसा काय खरेदी केला या प्लॉटवर आमचा ताबा आहे.त्यावर अल्ताफ शेख यांनी मुदस्सर शेख यांना सांगितले की सदर जागा आम्ही कायदेशीर खरेदी केलेली आहे असे म्हटल्यावर या गोष्टीचा राग येऊन मुदस्सर शेख व कय्युम शेख यांनी अल्ताफ शेख व त्यांच्या मित्राला शिवीगाळ करून लाथाबुक्क्यांनी मारहाण केली.सदर जागेत पुन्हा पाय ठेवला तर जिवे ठार मारू अशी धमकीही नगरसेवक मुदस्सर शेख व कय्युम शेख यांनी अल्ताफ शेख व त्यांच्या मित्राला दिली असल्याचे अल्ताफ शेख यांनी आपल्या फिर्यादीत म्हटले आहे.अल्ताफ शेख यांच्या फिर्यादीवरून एमआयडीसी पोलिसांनी मुदस्सर शेख विरुद्ध गुन्हा दाखल केला आहे.