सिद्धू मूसेवाला खून प्रकरणात मोठा खुलासा; महाराष्ट्रातील अरुण गवळी गॅंग चे कनेक्शन.शार्प शुटर संतोष जाधव गवळीचा पंटर!

पंजाबी गायक सिद्ध मुसेवालाच्या खून प्रकरणाचे धागेदोरे महाराष्ट्रातील कुख्यात गुंड अरुण गवळी टोळीशी जोडले गेले आहेत. पंजाब पोलिसांनी उलगडा केलेल्या या प्रकरणात 8 शार्प शूटर्सनी मिळुन मुसेवालाची हत्या केल्याचा कयास पोलिसांनी पुराव्यानुसार बांधला आहे. यापैकी संतोष जाधव हा गवळी टोळीचा हस्तक असल्याची माहिती समोर आली असून तो पुण्याचा रहिवासी आहे. 29 मे रोजी मुसेवालाच्या शूटिंगमध्येही त्याचा सहभाग होता.

संतोष जाधव याला खास मुंबईहून पंजाबला बोलावण्यात आले होते. त्यांच्यासोबत महाराष्ट्राचा सौरभ महाकाळही आला होता. गवळी सध्या महाराष्ट्रातील तुरुंगात आहे. या नव्या खुलाशानंतर पंजाब पोलिसांनी महाराष्ट्र पोलिसांशी माहितीचे आदान-प्रदान केले असून या प्रकरणात मुंबई पोलिसांकडून पंजाब पोलिसांनी सहकार्यही मागितले आहे.