तोफखाना पोलिसांची कारवाई
चोरा कडून बुलेट सह तेवीस दूचाकी वाहने जप्त.

(अहमदनगर) शहर व उपनगरात तुन दुचाकी वाहने चोरून ते बीड जिल्ह्यात विक्री करणाऱ्या आरोपीला अटक करण्यात तोफखाना पोलिसांना यश आले आहे.किसन उर्फ कृष्णा पोपट सापते (वय 26 राहणार खकाळवाडी, तालुका आष्टी) असे आरोपीचे नाव आहे.त्याच्याकडून बुलेट सह 23 वाहने जप्त करण्यात आली आहे.
28 एप्रिल रोजी किसन सापते याने प्रोफेसर कॉलनी चौकातून सुनील भानुदास सरोदे यांचि बुलेट चोरली होती.चोरीची ही घटना सीसीटीव्ही कॅमेऱ्यात कैद झाली होती.याप्रकरणी तो फखाकाना पोलीस ठाण्यात गुन्हा नोंदविण्यात आला होता.
चोरीची घटना सीसीटीव्ही कॅमेऱ्यात कैद झालेल्या ची माहिती आरोपी सापते याला समजल्याने त्याने सरोदे यांची चोरलेली बुलेट भिंगारमध्ये सोडून पसार झाला होता. मात्र तोफखाना पोलीस त्याच्या मागावर होते.शेवटी सुनील सरोदे याला तोफखाना पोलिसांनी बीड जिल्ह्यातून अटक केली.

70 ते 80 हजार रुपयांना वाहनांची विक्री
किसन सापते हा वाहन खरेदी विक्री करण्याचा व्यवसाय करत होता.त्याची बीड जिल्ह्यात ओळख होती. या ओळखीतून चोरीच्या दुचाकी त्याने जवळच्या मित्रांना व नातेवाईकांना 70 ते 80 हजार रुपयांत विकल्याची माहिती पोलिस तपासात पुढे आली आहे.पोलिसांनी दुचाकी जप्त केल्याने चोरीच्या दुचाकी खरेदी करणाऱ्यांची ही फसवणूक झालेली आहे.