अहमदनगर मध्ये साडेसात टन रक्तचंदनाचा साठा जप्त; एकाला अटक.

(अहमदनगर) शहरातील एमआयडीसी पोलीस स्टेशन हद्दीत साडेसात टन रक्तचंदनाचा साठा पोलिसांनी जप्त केला आहे.सुमारे 3 कोटी 83 लाख रुपयांचे हे रक्तचंदन असल्याचे तपासात समोर आले आहे.या प्रकरणी एमआयडीसी पोलिस ठाण्यामध्ये गुन्हा नोंदवण्यात आला असून एकाला अटक करण्यात आली आहे.
एमआयडीसी हद्दीत सदाशिव झावरे यांच्या गोदामांमध्ये बेकायदेशीर रित्या चोरुन आणलेले रक्तचंदन साठवुन ठेवल असल्या ची माहिती एमआयडीसी पोलिसांना मिळाली होती.मिळालेल्या गोपनीय माहितीच्या आधारावर एमआयडीसी पोलिसांनी सदाशिव याच्या गोडाऊन वर छापा टाकला, या वेळी गोडाऊनमध्ये बटाट्याच्या गोण्या खाली लपवून ठेवलेले साडेसात टन रक्तचंदन पोलिसांना सापडले असून पोलिसांनी रक्तचंदनाचा साठा जप्त केला आहे. या गुन्ह्यात एकाला पोलिसांनी अटकही केली आहे. आंतरराष्ट्रीय बाजारात या रक्तचंदनाची किंमत सुमारे 3 कोटी 83 लाख रुपयांपर्यंतची असल्याचे सांगण्यात आले आहे.